மாவட்ட ஆட்சித் தலைவர்கள், காவல் துறை அலுவலர்கள் மாநாடு ஜூன் 05 காலை தலைமைச் செயலகத்திலுள்ள நாமக்கல் கவிஞர் மாளிகையில் மாநாடு அரங்கில் முதல்வர் ச. ஜோசப் விஜய் தலைமையில் தொடங்கியது.மாநாட்​டுக்கு முதல்​வர் விஜய் தலைமை வகித்​தார். இதில் அனைத்து துறை​களின் அமைச்​சர்​கள், செயலர்​கள், மாவட்ட ஆட்​சி​யர்​கள், காவல் கண்​காணிப்​பாளர்​கள் மற்​றும் அதி​காரி​கள் கலந்​து​கொண்​டனர் பின்னர் உரையாற்றிய முதல்வர் விஜய்; வெளிப்படையான, நேர்மையான, இலஞ்ச லாவண்யமற்ற ஒரு சமூக நீதிக்கான அரசைத் தேர்ந்தெடுத்தே ஆக வேண்டும்

சட்டம் ஒழுங்கு பிரச்சனையைப் பொறுத்தவரை, நீங்கள் சட்டத்தின் அடிப்படையில் சுதந்திரமாக முடிவு செய்யலாம். தவறு செய்தவர்கள் யாராக இருந்தாலும், எவ்வளவு உயர்வானவர்களாக இருந்தாலும், பாரபட்சமின்றி சட்டப்படி உடனடியாக துரிதமாக நடவடிக்கை எடுத்து உரிய தண்டனை பெற்றுத்தர வேண்டும். ஆனால் நிரபராதிகள் யாரும் தப்பித்தவறி கூட பாதிக்கப்பட்டுவிடக் கூடாது.

ரேஷன், கல்வி, குடிநீர், சுகாதாரம், மின்சாரம், சாலை வசதி, பேருந்து வசதி போன்ற அடிப்படை வசதிக்கெல்லாம் நாம் முக்கிய கவனம் செலுத்தியாக வேண்டும்.

ஆட்​சி​யர்​கள் ஒவ்​வொரு மாத​மும் சட்​டம் - ஒழுங்கு கூட்​டத்தை நடத்​தி, சம்​பந்​தப்​பட்ட துறை​களை ஒருங்​கிணைத்து செயல்பட வேண்​டும். வரு​வாய் மற்​றும் காவல் துறை​யினரோடு கலந்​துபேசி, எந்த ஒரு நிகழ்​வும் நடப்​ப​தற்கு முன்​ன​தாகவே மூல​காரணத்​தை கண்​டறிந்து, குற்​றங்​களை தடுக்க வேண்​டும்.

பெண்​கள், குழந்​தைகள் பாது​காப்பை 100 சதவீதம் உறு​தி​செய்ய வேண்​டும். ஒவ்​வொரு பள்​ளிக்​கும் அரு​கில் உள்ள கடைகளை தொடர்ச்​சி​யாக கண்​காணிக்க வேண்​டும். போதைப் பொருட்​கள் தொடர்​பான குற்​றங்​களில் ஈடு​படு​வோரை உடனே கைது செய்ய வேண்​டும்.

மாவட்ட அமைச்​சர்​கள், எம்​எல்​ஏக்​களுக்கு ஆய்​வுக்​காக வரும் போது அரசு அலு​வல​கங்​களில் ஒத்​துழைப்பு தர வேண்​டும். அரசுத் திட்​டங்​கள் எவ்வாறு செயல்​படுத்​தப்​படு​கின்றன என்​பதை அதி​காரி​கள் நேரடி​யாக சென்று ஆய்வு செய்ய வேண்​டும்.

அரசு அலு​வலர்​கள் சட்ட விதி​களுக்கு உட்​பட்டு சுதந்​திர​மாக செயல்​படலாம். எதி​லும் தனி​நபர்​களின் தலை​யீடு இருக்​காது. சாதி அடிப்​படையி​லான பாகு​பாடு, வன்​முறை​களுக்கு எதி​ராக உறு​தி​யான நடவடிக்கை எடுக்க வேண்​டும். கோயில் திரு​விழாக்​கள், அரசி​யல் பேரணி​கள், பொது நிகழ்​வு​களில் நெரிசல் ஏற்படாமல் தடுக்​க வேண்​டும்

ஊரகப் பகு​தி​களில் மோதல், கொலை சம்​பவங்​களுக்கு நிலத் தகராறுகளே முதன்​மைக் காரண​மாக உள்​ளன. மாவட்ட அளவி​லான நில வழக்கு தீர்​வுக் குழு சீரமைக்​கப்​பட்டு 2 வார இடைவெளி​யில் கூட்ட வேண்​டும். ஆட்​சி​யர், எஸ்​.பி.மாதம்​தோறும் மதிப்​பாய்வு நடத்​தி, செயல் திறனை மதிப்​பிட வேண்​டும். பெண்​களுக்கு பாது​காப்​பற்ற பகு​தி​கள், குற்​றம் அதி​கரித்த இடங்​கள், விபத்​துகள் அதி​கம் நிகழும் பாதைகள், மூத்த குடிமக்​கள் அதி​கம் வந்​துசெல்​லும் பகு​தி​களில் கண்​காணிப்பு கேமரா பொருத்த வேண்​டும்.

பெண்​களுக்கு எதி​ரான குற்​றங்​கள், போக்சோ வழக்​கு​களில் எஃப்​ஐஆர் பதி​வில் தாமதம் ஏற்​படக் கூடாது. கள்​ளச் சாரா​யத்தை தடுக்க, காவல், வரு​வாய், வனத் துறை அதி​காரி​கள் மலைப் பகு​தி​களில் சட்​ட​விரோத வடிகட்​டல் இடங்​கள் பற்​றிய தகவலை சேகரிக்க வேண்​டும்.

எல்​லை​யோர மாவட்​டங்​கள் வழி​யாக போதைப் பொருட்​கள் கடத்​தப்​படு​கிற​தா, உரிய அனு​ம​தி​யின்றி கனிம வளங்​கள் கடத்​தப்​படு​கிறதா என்று தீவிர​மாக கண்​காணித்து நடவடிக்கை எடுக்க வேண்​டும். தொழில் துறை மண்​டலங்​களில் புலம்​பெயர்ந்த தொழிலா​ளர்​களிடம் குட்கா மற்​றும் பிற போதைப் பொருள்​களின் பரவலை தீவிர​மாக கண்​காணிக்க வேண்​டும்.

காவிரி, வைகை மற்​றும் பிற ஆற்று மணல் படு​கை​களில் சட்ட விரோத மணல் திருட்டை தடுத்து நிறுத்த வேண்​டும். பட்​டாசு, ரசாயனத் தொழிற்​சாலைகளில் தொழில் துறை பாது​காப்பு நடை​முறை​கள் கண்​டிப்​பாக அமல்​படுத்​தப்பட வேண்​டும்

புயல், வெள்​ளத்​தால் பாதிக்​கப்​படும் டெல்​டா, கடலோர மாவட்​டங்​கள், நீல​கிரி, மேற்​குத் தொடர்ச்சி மலை​யின் மலைப் பகு​தி​களில் சிறப்பு கவனம் செலுத்​தி, பேரிடர் தயார் நிலை குறித்து தணிக்கை நடத்த வேண்​டும். சென்னை மற்​றும் புறநகர் பகு​தி​களில் பரு​வ​மழைக் காலத்​துக்கு முன்பு மீட்பு உள்​கட்​டமைப்​பில் உள்ள தேவை​கள் நிவர்த்தி செய்​யப்பட வேண்​டும்.

நாட்​டிலேயே அதிக சாலை விபத்து மரணங்​கள் தமிழகத்​தில் நிகழ்​வது வருத்​த​மாக உள்​ளது. விபத்து அதி​கம் நடக்​கும் இடங்​கள் கண்​டறியப்​பட்​டு, அதிக ஆபத்​துள்ள பகு​தி​களில் சாலை மேம்​பாட்​டுப் பணி​கள் மேற்​கொள்ள வேண்​டும். தலைக் கவசம் அணிவது உள்​ளிட்ட சாலை விதி​கள் கடைபிடிக்​கப்​படு​வதை உறு​தி​செய்ய வேண்​டும். காவல் நிலை​யங்​களுக்கு வரும் மக்​களை கண்​ணி​யத்​துடன் நடத்த வேண்​டும். சமூக வலைதள மோசடி குறித்து மக்​களிடம் விழிப்​புணர்வு ஏற்​படுத்த வேண்​டும்​. ஆட்​சி​யர்​கள்​, எஸ்​.பி.க்​கள்​ நேர்​மை​யாக, வெளிப்​படைத்​ தன்​மை​யுடன்​ பணி​யாற்​ற வேண்​டும்​. இவ்​வாறு முதல்​வர்​ தெரிவித்​தார்​.