இந்தியத் தேர்தல் ஆணையம், வரவிருக்கும் தேர்தல்களை முன்னிட்டு வாக்காளர் பட்டியலைச் செப்பனிடும் பணிகளுக்காக 2027-ஆம் ஆண்டு ஜனவரி

 1-ஆம் தேதியைத் தகுதி நாளாகக் கொண்டு சிறப்புச் சுருக்க முறை திருத்தப் (Special Summary Revision - SSR) பணியை அறிவித்துள்ளத 

இந்தத் தேர்தல் திருத்த நடவடிக்கையின்படி, வாக்குச்சாவடிகளை மறுசீரமைத்தல் மற்றும் சீரமைக்கும் பணிகள் நவம்பர் 2-ஆம் தேதிக்குள் முடிக்கப்படும் என்றும் ஒரு வாக்குப்பதிவு மையத்தில் 1,200 வாக்காளர்களுக்கு மேல் இருக்கக்கூடாது என்பதை இது உறுதி செய்யும் என்றும் தெரிவிக்கப்பட்டுள்ளது

 மேலும், ஒரே குடும்பத்தைச் சேர்ந்தவர்கள் மற்றும் ஒரே கதவு எண் கொண்டவர்கள் வாக்காளர் பட்டியலில் ஒரே பிரிவில் இடம்பெறுவது இதன் மூலம் உறுதி செய்யப்படும்

 ஒருங்கிணைந்த வாக்காளர் வரைவுப் பட்டியல் நவம்பர் 12-ஆம் தேதி வெளியிடப்படும். வரைவுப் பட்டியல் மீது பொதுமக்கள் தங்கள் கோரிக்கைகள் மற்றும் எதிர்ப்புகளைத் தெரிவிப்பதற்கான அவகாசம் நவம்பர் 12 முதல் டிசம்பர் 11 வரை வழங்கப்பட்டுள்ளதுடன்

 பெறப்படும் மனுக்கள் டிசம்பர் 28-ஆம் தேதிக்குள் பரிசீலித்து முடிக்கப்படும். தகுதியுள்ள எந்தவொரு வாக்காளரும் பட்டியலில் இருந்து விடுபட்டுவிடக் கூடாது என்பதை உறுதி செய்யுமாறு அதிகாரிகளுக்குத் தேர்தல் ஆணையம் கடுமையான உத்தரவுகளைப் பிறப்பித்துள்ள நிலையில், அனைத்து நடைமுறைகளும் நிறைவடைந்த பிறகு இறுதி வாக்காளர் பட்டியல் 2027-ஆம் ஆண்டு ஜனவரி 4-ஆம் தேதி அதிகாரப்பூர்வமாக வெளியிடப்படும்