நீட் தேர்வுத் தாள் கசிவுகள் குறித்து பொறுப்புக்கூறலைக் கோரி வரும் கரப்பான்பூச்சி ஜனதா கட்சியால் (CJP) இந்தப் போராட்டம் முன்னெடுக்கப்பட்டுள்ளது.இந்தப் போராட்டத்தை அடுத்து, சிஜேபி பிரதிநிதிகளைச் சந்திக்க மத்திய அரசு அழைப்பு விடுத்தது. இதையேற்று, சிஜேபியின் செய்தித் தொடர்பாளர்கள் சவுரவ் தாஸ், ஆசுதோஷ் ரங்கா ஆகியோர் மத்திய சுகாதாரத்துறை அமைச்சர் ஜே.பி.நட்டாவைச் சந்தித்தனர்.

அப்போது, மத்திய கல்வி அமைச்சர் தர்மேந்திர பிரதான் ராஜினாமா செய்ய வேண்டும், நீட் தேர்வால் தற்கொலை செய்துகொண்ட மாணவர்களின் குடும்பங்களுக்கு தலா ரூ.1 கோடி இழப்பீடு வழங்க வேண்டும், போராட்டத்தில் ஈடுபட்டு வரும் மாணவர்கள் மீதான முதல் தகவல் அறிக்கைகளை திரும்பப் பெற வேண்டும் எனும் மூன்று கோரிக்கைகள் அடங்கிய கடிதத்தை அவரிடம் அளித்தனர்.

தர்மேந்திர பிரதான் தனது ராஜினமா கடிதத்தை பிரதமர் நரேந்திர மோடிக்கு இன்று அனுப்பியுள்ளார். மேலும், தனது ராஜினாமாவுக்கான காரணம் குறித்த அறிக்கையையும் அவர் வெளியிட்டுள்ளார்.

தர்மேந்திர பிரதான் ராஜினமாவை அடுத்து, டெல்லி ஜந்தர் மந்தரில் போராட்டத்தில் ஈடுபட்டு வரும் மாணவர்கள், இளைஞர்கள் உள்ளிட்டோர் ஆரவாரத்துடன் அதனை வரவேற்றனர். ஒருவருக்கொருவர் தங்கள் மகிழ்ச்சியை பகிர்ந்து கொண்டனர். இசை இசைத்தும், நடனமாடியும் அவர்கள் கொண்டாட்டத்தில் மூழ்கினர்.

தர்மேந்திர பிரதான் ராஜினாமா குறித்துப் பேசிய சிஜேபி நிறுவனர் அபிஜித் தீப்கே, “நாம் சாதித்துவிட்டோம். தர்மேந்திர பிரதான் ராஜினாமா செய்துவிட்டார். நீங்கள் அச்சப்படாவிட்டால், அரசின் முன்பாக தலை குனியாவிட்டால் எவரையும் ராஜினாமா செய்ய வைக்க முடியும் என்பது நிரூபணமாகி உள்ளது.

இது மாணவர்களுக்கு கிடைத்த வெற்றி. அமைதியான போராட்டத்துக்குக் கிடைத்த வெற்றி இது. அமைதியான முறையில் போராடினால் அது வீணாகாது. கரப்பான்பூச்சிகள் வெற்றி பெற்றுவிட்டார்கள். ஜனநாயகம் வெற்றி பெற்றுவிட்டது” என தெரிவித்துள்ளார்.

மாணவர்கள் மற்றும் தேசத்தின் பரந்த நலன்களைக் காரணம் காட்டி பிரதான் மத்திய அமைச்சரவையிலிருந்து விலகிய சில மணி நேரங்களுக்குப் பிறகு இந்த மூன்றாவது சுற்று பேச்சுவார்த்தை நடைபெறுவதால், இது முக்கியத்துவம் பெறுகிறது. பிரதமர் நரேந்திர மோடிக்கு எழுதிய தனது ராஜினாமா கடிதத்தில், தேர்வு முறைகேடுகளுக்கு எதிரான தொடர் போராட்டங்கள் "தேசவிரோத சக்திகளால்" சுரண்டப்படாமல் இருப்பதை உறுதி செய்வதற்காகவே தாம் ராஜினாமா செய்ததாக பிரதான் குறிப்பிட்டிருந்தார்.

"ஜந்தர் மந்தரிலும் நாட்டின் பிற இடங்களிலும் உருவாகியுள்ள நிலைமையை தேசவிரோத சக்திகள் சுரண்டக்கூடாது. நாட்டின் ஒற்றுமை அப்படியே நிலைத்திருக்க வேண்டும். இந்தியாவில் உள்ள ஒவ்வொரு மாணவரின் எதிர்காலமும் சட்டச் சிக்கல்களில் மாட்டிக்கொள்ளக்கூடாது," என்று பிரதான் எழுதியிருந்தார்.

தேர்வு முறைகேடுகளுக்கு எதிராக நாடு தழுவிய அளவில் பல வாரங்களாக நடைபெற்ற போராட்டங்கள் மற்றும் ஜந்தர் மந்தரில் சமூக ஆர்வலர் சோனம் வாங்சுக் தலைமையில் நடைபெற்ற 26 நாள் உண்ணாவிரதப் போராட்டத்தைத் தொடர்ந்து அவரது ராஜினாமா நிகழ்ந்துள்ளது. தேர்வுத் தாள் கசிவுகள் குறித்து பொறுப்புக்கூறலைக் கோரி வரும் கரப்பான்பூச்சி ஜனதா கட்சியால் (CJP) இந்தப் போராட்டம் முன்னெடுக்கப்பட்டுள்ளது.

ராஜினாமாவுக்குப் பிறகு ஆதரவாளர்களிடையே உரையாற்றிய சிஜேபி தலைவர் அபிஜீத் திப்கே, "இந்த அரசாங்கத்தில் நம்பிக்கை இல்லை என்று சொல்லப்பட்டது. இது ஒரு ஏமாற்று வேலை, . நாங்கள் அதைச் செய்துவிட்டோம்," என்று கூறினார். மேலும், பிரதமர் நரேந்திர மோடியின் அரசாங்கத்தின் கீழ் ஒரு மத்திய அமைச்சர் ராஜினாமா செய்வது இதுவே முதல் முறை என்றும் அவர் விவரித்தார்.

இந்த அறிவிப்புக்குப் பிறகு, போராட்டக்காரர்கள் கொண்டாடி முழக்கங்களை எழுப்பியதை போராட்ட இடத்திலிருந்து எடுக்கப்பட்ட காட்சிகள் காட்டின.

. 7/25/26, மாலை 5:46 தர்மேந்திர பிரதானின் ராஜினாமாவைத் தொடர்ந்து, தலைமை நீதிபதி குழுவுடன் ஜே.பி. நட்டாவும், ஜிதேந்திர சிங்கும் மூன்றாவது சுற்றுப் பேச்சுவார்த்தை நடத்தினர்.

1/2 சமூக ஆர்வலர் சோனம் வாங்சுக்கும் பிரதானின் ராஜினாமாவை வரவேற்று, அதனை "ஜனநாயகம், அமைதி மற்றும் விடாமுயற்சியின் வெற்றி" என்று வர்ணித்தார்.